akanpalekua
akeita 
azoka herritarra 
gaztetxe gunea 
herri eskola
herri gunea 
info 
jantoki herrikoia
karpa erraldoia 
kultur etxea :: Info 2006-04-15 [GazteInfo]
[2006-04-15]
Ametsa ez dadila Etxarrin bukatu
Egun hauetan Etxarrik irudikatu duen herri independentearen ametsa astelehenean ez bukatzeko deia egin da ekitaldi nagusian.
[2006-04-15]
Autogestioa, nahi zein helburu handiak lortzeko bitartekoa
Autogestioa zer da? Gaztetxeek onartu behar al dute instituzio publikoen laguntza euren proiektuak lantzeko? Hau gerora mesedegarria ala kaltegarria izan al daiteke? Gai potoloak dira, eta horiexek aztertu dira besteak beste gaur gaztetxe guneko autogestioari buruzko eztabaidan.
[2006-04-15]
Brigadisten esperientziak gazte Topagunean
Panama eta palestinan brigadista moduan bizitako esperientziak ezagutu ahal izan ditugu gaurkoan Etxarrin. Bi testigantzen bitartez, Panamako oihan eta Palestinako lurretan barrena bidaiatu ahal izan dugu, eta esperientzia zoragarria izan da, benetan. Argazkien laguntzaz, bertara hurbildu garen gazte mordoak urruneko herri hauek sakonago ezagutzeko parada izan dugu.
[2006-04-15]
Eraldaketa sozialaren bidetik
Elkartzen, eskubide sozialen aldeko Euskal Herriko eragile soziala dugu. Eskubide sozialetaz ari garen honetan, Elkartzenek 3 eskubide multzo bereizten ditu. Horietako bakoitzaren inguruan hausnartu, diagnosia egin, eta tesi argia defendatzen dute, "ongizate" jendarte batetik jendarte prekario batera igarotzen ari garela. Eta zentzu horretan, aurrekontuak demokratizatzea egoerari aurre egiteko irtenbide bat da. Ikus dezagun pausoz pauso.
[2006-04-15]
Zapalduen zapalkuntza
Zapalduen pedagogiaren inguruko tailerra ospatu da herri eskolan. Bertan zapaldu eta zapaltzaile direnen inguruko errealitatea aztertu da. Horretarako tailerrera aurkeztu diren 15 gazteak 3 taldetan banatu dira, eztabaidari hasiera emanez.
[2006-04-15]
Joseba Permach Batasunako kideak hitzaldia eman du Herri eskola gunean
Mahaikideak geure herriaren egungo egoera politiko eta sozialaren diagnostikoa burutu du eta ireki berri den egoeraren aurrean, etorkizunari begira ezker abertzleak zein ikuspuntu duen agerian utzi du.
[2006-04-15]
Iraultzaileak ez badu irakurtzen, ez da iraultzaile ona
Justo De la Cuevak sozialismoari buruzko hitzaldi interesgarria eman zuen atzo. Berrehun lagunetik gora bildu ziren bere hitzak entzuteko, eta hitzaldia hastean, minutu bateko txaloaldia eginez omendu zituzten Euskal Herriaren askapen borrokan hil direnak, presoak eta iheslariak.
[2006-04-15]
Erakunde gazteen ekoizpenak lau haizeetara zabaltzeko azoka herritarra irekia dago
Guk sortutakoa geure artean banatu eta hedatzeko asmoz jarri da martxan topaguneko azoka herritarra. Euskal Herriko eta Nazioarteko zenbait erakundeetako partaideak bertan izan dira gaur produzitutakoa erakusteko eta saltzeko.
[2006-04-15]
Gazte eta nekazari
Nekazaritza azken urteetan denbora zailak pasatzen ari den sektorea dela gauza jakina da. Sektorearen etorkizuna kolokan dagoen momento hauetan, Euskal Herriko nekazari gazteak borrokan ari dira beraien lanak etorkizun oparo bat izan dezan. Honekin loturik, Gaztemugin Akuilu euskal nekazari gazteen elkartea sortu zen. Talde honetako Aitor Aranburu gipuzkuarrak bizi duten egoeraren berri eman du. Hitzaldia Herri Eskola gunean ospatu da, eta bertara 6 gazte hurbildu dira guztiaren berri jasotzeko.
[2006-04-15]
Bideo tailerra egin da gaur goizean
Herri eskolan hitzaldi eta tailer ezberdinak antolatu dira egunez egun. Gaur goizean besteak beste bideo tailerra egin da.
[2006-04-15]
Amaiera itzela izan dute gazte olinpiadek
Jendetza izugarriak agurtu ditu gazte Olinpiadak, hainbeste amestutako finalean. Talde ezberdinen artean lehia bizia egon da eta azkenean Gipuzkua irten da garaile. Batzuek "tongo-tongo" egiten zuten oihu eta beste batzuek astean zehar entrenatzen aritu direla ziurtatzen zuen, baina inork ezin du ukatu sekulako giroa egon denik.
[2006-04-15]
Bideo emanaldiak kultur gunean
Bideo emanaldi desberdinak ikusgai egon dira 13:00tatik aurrera kultur gunean.
[2006-04-15]
Egurrak astintzen... Topa!
Goizeko hamaiketatik aurrera kultur gunean burutu den txalaparta erakustaldiak gerturatu direnen belarriak goxatu ditu.
[2006-04-15]
Igaro da lehen gaua Etxarrin
Igaro da lau gauetako lehena Topagunean, eta ezin esan ezustekorik gabe igaro dena. Haize gogorrak hala ere ez zituen jendearen gogoak urrundik ere izorratu, eta kontzertu nahiz txoznetan sekulako giroa egon zen. Honelakoetan gertatzen den legez, eguzkia ezkutatzen denetik irteten denerako ordu horiek zer esan handia eman zuten, eta kontu bitxi ugari entzun ahal izan ditugu gaur goizean.
:: Eguneko esaldia
"Bakerik ez badago... gerra irabaziko dugu!"
:: Topargazkia (galeria berriak)
Zure argazkiak GazteSarean ikusi nahi dituzu? Bidali zure argazkiak helbide honetara!!
topargazkia@gaztesarea.net
:: Irauli Uhinak
Zuzenean Etxarritik
Topaguneak irauten duen bitartean irrati libre digitala izango dugu emititzen Etxarritik zuzenean internet bidez. Hitzaldiak, elkarrizketak, analisiak zein anekdotak zuzenean entzun ditzazuen.
Irratia ogg formatoan emititzen ari gara http://mundurat.net:9002/irratia.ogg URL-an. Winamp bezalako programekin entzun ahalko duzue.
Arazoak izatekotak saiatu hemendik http://irratia.gaztesarea.net:9001/irratia.ogg
www.gaztesarea.net | Harremanetarako: gaztesarea(a bildua)gaztesarea.net
Martin Ugalde Kulturparkea. Gudarien Etorbidea 8, 20140 Andoain. Telefonoa (+34) 943 593 588