• :: Nagusia
• :: Info
• :: Ostiralekoa
• :: Irauli Uhinak
• :: Argitaratu
• :: Guneak
• :: Arbela
• :: Gozategi
• :: Kalaportu
• :: Musikale
• :: Iritzia
• :: HIka Mika
• :: Ttak!
• :: Peru
• :: Lanabes Kutxa
• :: Zerbitzuak
• :: e-Posta
• :: Ostalaria

info > jarraipen berezia

Olatu handia altxa da greba eta mobilizazio egunean

Konponbide demokratikoaren alde eta dispertsioaren aurka deitutako mobilizazio eta greba egunak erantzun zabala izan du. Polizia ere presente izan da eta guztira hamabi lagun atxilotu dituzte Bizkaian, Gipuzkoan eta Nafarroan. ETA erakunde armatuak, gainera, bost lehergailu jarri dituenaren abixua eman du, bi lehertu dira. Jarraipen berezia

• Argazki Galeria

---

Datuak herrialdez herrialde

Nafarroa Garaia

Bizkaia

Gipuzkoa + Grebaren balantzea herriz herri (PDF)

Araba + Jarraipen berezia Hala Bedin

Lapurdi, Nafarroa Beherea eta Zuberoa

LABen datuak berria.info-n

---

Aranjuezko espetxean

Aranjuezeko presoek jakinarazi dute gaurko egunean berain kide izandako Roberto, eta Igorren omenez eta gaurko greba eta mobilizazio deialdiekin bat eginez burutu dituzten mobilizazioak.

• Ziegetan, xingola beltzedun ikurriñeskegi dituzte.
• Paparrean txarteltxo bat jarri dute, bertan, xingola beltzadun ikurriñkus zitekeelarik.
• Eguerdian, plante bat egin dute eta zuzendariari gutun bat eman diote.
• Arratsaldean kontzentrazio bat burutuko dute modulo guztietan patioan.

Era berean, Aranjuezeko kideek, beraien elkartasun eta animo guztiak bidali nahi dizkiete Roberto Saiz Olmos, Baruren sendi guztiari.

---

Atxiloketak

Hamabi lagun atxilotu dituzte polizia ezberdinek goizean. Aretxabaletan ez identifikatzeagatik atxilotu dute pertsona bat, Tafallan hiru gazte atxilotu dituzte (aske dira jada) eta Antsoainen goizeko informazio piketeetan ziren lau pertsona atxilotu dituzte. Lizarran ere beste pertsona bat atxilotu dute. Nafarroan, gainera, atxilotuez gain beste 17 pertsonen aurkako salaketak jarri ditu poliziak.

Aurrez jakin dugu Euskal Autonomi Erkidegoan txapelgorriek hiru lagun atxilotu dituztela. Bi Bilbon, esan dutenez, hainbat banketxetako ateei silikona jartzen ari ziren bitartean. Gaur arrastiko 4:00etan pasatuko dira epaitegitik. Abokatua beraiekin egon da ta ondo daudela esan su. Desorden publikoa eta autoritateari erresistentzia delituak leporatu dizkiete.

Hirugarren atxilotua Hernanin izan da. Askatasunak jakinarazi duenez Hernanin goizean goizetik Ertzaintzak kargatu egin du Zinkueneako errontondan jendea biltzen ari zen heinean. Goizeko 6:30etan pertsona bat atxilotu dute. Irratian suziriak antzeman dizkiotela esan duten arren Askatasunak bertsio hau ukatu egin du.

Ez da kale erasoa egiten harrapatua izan baizik eta jendea piketeak egiteko antolatzen ari zirela adierazi du Askatasunak, ohitura da Hernanin petardo zaratatsuak erabiltzea horrelako egunetan gaineratu du. Bertsio hori ukatu eta pertsona honek identifikatzeari uko egin diolako atxilotu dutela jakinarazi du. Gainera beste pertsona bati akta bat sinatuarazi diote, non bere gain hartzen duen 50 suziri atzeman dizkiotela.

ETAren ekintzak

Bost lehergailuren abixua eman dute gaur goizean ETA erakundearen izenean. A-8 autopistan, Bilbo eta Santander artean eta Vianan lehertu dira lehergailuetako bi. Beste hiru lehergailuak ondorengo lekuetan daudela jakinarazi dute: Gasteiz eta Burgos arteko errepidean, Iruñeta Zaragoza arteko errepidean, eta azkena Lasarteko Correoseko egoitzan.

---

Jarraipen bereziak:

• Greba eguna dela eta, Irola Irrati libreak irratsaio bereziak egingo ditu.
• 12:00etan grebaren jarraipenari buruzko irratsaioa
• 17:00etan grebaren jarraipena eta gartzelei buruzko irratsaio berezia
• Irola entzuteko Bilboaldean 107.5 FM edo interneten sindominio.net/irola helbidean
• Indymedia ere egunaren inguruko datuak biltzen ari da
• Hala Bedi irratian ere jarraipen berezia egiten ari dira.
• Larrabetzuko argazki denak: http://www.flickr.com/photos/gaztelumendiorg/tags/greba/

---

:: Iritzi mezuak