Abuztu gorria amaitzeko elkarretaratzea egin dute Zizurko gazteek “bildu, erabaki independentzia irabazi” lelopean. beranduago azken 14 hilabetetako kronika jasotzen duen bideoa ikusi ostean gazte afariaz gozatu dute.
Abuztu Gorriko azken asteari ekinez, etxebizitzaren inguruan hitz egiteko bildu gara Zizurko gazteak. Horretarako Segiko kide bat hurbildu da gure herrira gazte erakundearen irakurketa eta alternatibak azaltzeko.
Zizurko Segik Esparru Gaztetxearen 2. urteurrenaren harira eraldaketa soziala beharrezkoa dela adierazi du, gaztetxea eraldaketarako borroka tresna dela azpimarratuz. Horri lotuta, Abuztu Gorriari jarraipena emanez bizi eredu askatzaileen aldeko murala margotu dute gazteek Gaztetxeko plazan.
Abuztu Gorria bere ekuadorrera iritsi da, eta hala, bizi eredu askatzaileak hizpide dituen asteari hasiera eman diote. Horretarako MusikHerria eta Zizurko entsailu lokala den Rock Etxeko musikeroak gonbidatu zituzten mahaingurura musikaren munduaz eztabaidatzeko.
Barañain eta Zizurko 30 gazte inguruk parte hartu dute Abuztu Gorria (Zizur)zein Gazteri Gorriaren (Barañain) baitan antolaturiko AHT-ren inguruko martxa-hitzaldian.
Lizarraldean dagoen mendiko herria dugu Deio, baina Erlantz Urtasun historialariak esan moduan, Euskal Herriaren Historia guztiak bat egiten du bertan: musulmanak, euskara, Nafarroako Erreinua, sorginak, inkisizioa, karlistak, anarkistak, abertzaleak… inguruetako atalaia izan zen Deio, oso mendi esanguratsua nonbait, eta horren inguruan aritu dira Abuztu Gorrian.
Abuztu Gorrian memoria historikoa hizpide duen asteari jarraiki, Zizurko parke ezagun bati Gudarien Plaza izena jarri diogu, baita dagokion kale-izen plaka ezarri ere.
Aurtengo Abuztu Gorriari ongi etorria emateko Josu Zabalak, zizurko ezker abertzaleko kideak, gure herriko ezker abertzalearen bilakaeraren inguruko laburpen bat azaldu zigun. Hitzaldia Esparru Gaztetxean izan zen, eta 30 gazte iguruk parte hartu zuten.
Seigarren urtea da Zizurko gazte independentistek Abuztu Gorria antolatzen dutela. Azaltzen duten moduan, “Euskal Herria herri ukatua eta zanpatua da, eta indapendentzia eta sozialismoa ezinbestekoak ditugu gazte askeez osaturiko herri askea erdiesteko”. Norabide horretan, formakuntza eta kritikotasuna garatzea ezinbestekoak direla iritzi diote, eta Abuztu Gorria inposatzen diguten egoera iraultzeko eta sistemari alternatibak planteatzeko tresna izan nahi du.
Kartela handiagoan ikusteko eta deskargatu ahal izateko klikatu hemen.
